ويـن تـلـقـى مـثـل قـلـبـي قـلـب.. أو مـثـلــي خـلـيــل..!!!

بسم الله الرحمن الرحيم

لو خسرتك ما خسرت العمـر.. والدنيـا متـاع
وادري اني لو خسرتك ما خسـرت .. الا قليـل

بس فكّر زين.. تعرف من خسر فينـا.. وضـاع
وتعرف انّك لو تلـفّ الأرض .. وتـدوّر بديـل

والله ان تبطي .. ولو لفّيـت فـي كـل البقـاع
ولو تسوّي وش تسوّي ما انت لاقي لـي مثيـل

وين تلقى مثل شخصي شخص.. وطباعي طبـاع
ووين تلقى مثل قلبـي قلـب.. أو مثلـي خليـل

البشر واجد .. نعـم .. لكـنّ فـرق الإنطبـاع
يجعلك يمّي تميـل .. ويـمّ غيـري مـا تميـل

يا رفيقي .. إنتبـه.. واحسـن إلـيّ الإستمـاع
للمواقف دور في كشـف المزيّـف.. والأصيـل

وانت ماقصّرت فيني موقفـك .. جـدا شجـاع
طعنتك في الظهر فعـلا كانـت اثبـات ودليـل

بيّض الله وجهـك اللـي ساتـره تحـت القنـاع
ورايتك بيضا معاي وياعسـى عمـرك طويـل

يعني اعطيك الثقه وتردّها ب(لـوي) الـذراع؟؟
ياخي ما شا الله عليك ابدعـت فـي رد الجميـل

مدري كيف اشكرْك مدري كيف ارد الصاع صاع
كنت احسْب انّك عزيز النفس .. تطلع لي ذليـل

كم وانـا عيّيـت اصـدّق فيـك قدرالمستطـاع
من غبائي كنت أسكت واعذرك.. واثْر الحصيـل

جرح قلبٍ .. ميزتـه فـي كـل يـوم الإتسـاع
ودمع عينٍ ينهمر من ضيقتي.. فـي كـل ليـل

والله اني كنت احبـك حـب .. واتْبعْـك اتّبـاع
كنت لجل ارضي غرورك بس اسوّي المستحيـل

كنت اعمى فيك .. لالا .. كنـت ميّـت للنخـاع
كنت مدري كيف؟؟ لكن كنت صادق معك حيـل

كنت امارس في غرامي لك سياسـة الانصيـاع
وكنت لاغي معـك فكـرة أعتـزل أو أستقيـل

إندفعـت بكـل مافينـي .. وسـوء الإنـدفـاع
يجبـر الإنسـان أحيانـاً .. يفكّـر بالرحـيـل

صدمتي فيـك انـت.. خلتنـي أفكّـر باقتنـاع
إن قتل النفـس راحـه لـو أنـا كنـت القتيـل

إنفجر راسي مـن التفكيـر.. واشتـدّ الصـداع
كيف اجل بافتكّ من جرحك ودوشة "قـال قيـل"

صرت سيره في حلوق الناس.. وتالي هالضيـاع
"أنتحر؟؟ معقول!!" يـا ألله وش هـذا الغليـل؟؟

رحمتك يارب لامـن ضاقـت امنحنـي وسـاع
أنت حسْبي في الزمان الجايـر ونعـم الوكيـل

لا غدى "مستقبلي والماضـي" اطـراف النـزاع
وصفحة الماضي سواد وشيء من هـذا القبيـل

ْفلازم انسى لجل أنهي بداخلـي هـذا الصـراع
ولازم اتقوّى .. عشان احقّـق النصـر الجليـل

وطالمـا إن الهجـوم افضـل وسيلـه للدفـاع
مستحيل ارضخ لـو ان الحمـل ياربعـي ثقيـل

والبخيل اللي نساني واشتـري فينـي .. وبـاع
يذلـف الله لا يـردّه .. والله بجرحـي كفـيـل

وان سـأل عنّـي وجاكـم بعـد فتـرة إنقطـاع
علمـوه انّـي نسيتـه بـس انـا مانـي بخيـل

طالما كان السبب فـي قوّتـي .. قبـل الـوداع
بلغوه ْبـلا سلامـي خالـص الشكـر الجزيـل

شعر جميل ومرتب مشكور على طرحك الجميل الحنون

يعطيك العافيه الحنون
ننتظر جديدك.